Владыко Многомилостиве Господи, Иисусе Христе, Боже наш, молитвами Всепречистыя Владычицы нашей Богородицы и Приснодевы Марии, святых равноапостольных великого князя Владимира и великия княгини Ольги, святых Новомучеников и исповедников Церкви нашей, преподобных и богоносных отец наших Антония и Феодосия, Киево-Печерских чудотворцев, Сергия, игумена Радонежского, Иова Почаевского и Серафими Саровского и всех святых, благоприятну сотвори молитву нашу о Церкви и всех людях Твоих.
От единыя купели Крещения, еже при святем князе Владимире, мы, чада Твои, благодать восприяхом, — дух братолюбия и мира в сердцах наших утверди!
Иноплеменным же языком, брани хотящим и на Святую Русь ополчающимся – запрети и замыслы их ниспровергни.
Благодатью Твоею власть предержащих ко всякому благу настави, воинов – в заповедях Твоих утверди, лишенные крова – в домы введи, голодные – напитай, недугующие и страждущие – укрепи и исцели, в смятении и печали сущим – надежду благую и утешение подаждь, на брани убиенным – прощение грехов и блаженное упокоение сотвори.
Исполни нас яже в Тя веры, надежды и любве, яко во всех странах наших единеми усты и единем сердцем исповемыся Тебе, Господу и Спасителю нашему Иисусу Христу, со Безначальным Твоим Отцем, и Пресвятым и Благим Животворящим Твоим Духом во веки веков. Аминь.